Покистон пойтахти ҳаво ифлосланиши бўйича антирекордни янгилади. Халқаро ҳаво сифати мониторинги хизмати IQAir маълумотларига кўра, Лаҳордаги ҳаво сифати индекси рекорд даражадаги 1067 га етди, бу Жаҳон соғлиқни сақлаш ташкилоти (ЖССТ) томонидан тавсия этилган хавфсиз даражадан 300 баравар юқори.

Ўлчовлар шуни кўрсатдики, зарарли PM2.5 микрозарралари концентрацияси 610 га кўтарилди, бу рухсат этилган 15 чегарасидан 40 баравар кўпроқдир.

ЖССТ маълумотларига кўра, ифлос ҳавода узоқ вақт таъсир қилиш инсульт, ўпка саратони, нафас олиш касалликлари ва юрак касалликларини келтириб чиқаради.

Маълумот учун, Тошкент дунёнинг ҳавоси энг ифлос шаҳарлари рейтингида 28-ўринни қайд этган.

• ЖССТ
• Покистон