Жорий йилнинг 18 ноябрида бошланган сел Ҳиндистоннинг жануби-шарқида сув тошқинлари келтириб чиқарган. The Times of India нашрига кўра, Андхра-Прадеш штатида 1300 қишлоқни, бир қанча аҳоли пунктларини, хусусан Тирупати шаҳрини сув босган, шаҳар кўприклари қулагани туфайли поезд ва автомобил қатнови тўхтаган.

Табиат ҳодисасидан сўнг 40 дан ошиқ қурбон аниқланган, 100 дан ошиқ кишилар эса бедарак йўқолган дея эълон қилинди. Штат ҳокимияти табиий ҳодиса қурбонлари оилаларига 500 минг рупиядан (тахминан 72 млн 300 минг сўм) маблағ ажратилган.

Табиат ҳодисаси туфайли иқтисодиётга қандай зарар етгани ҳақида маҳаллий амалдорлар ҳисоб-китоб олиб бормоқдалар. Уларнинг айтишига кўра, ҳодиса 2 минг бошдан зиёд қорамолнинг йўқ бўлишига сабаб бўлган, бу тахминан 300 минг АҚШ долларига тенг.

Текширувларга кўра, Андхра-Прадеш штатида одатий ёғингарчиликдан бир ярим баробар кўп ёмғир ёққан. Бу 1 октябрдан то ҳозиргача 518 мм ни ташкил этди.

• Ҳиндистон
• Жаҳон
• сув_тошқини
• табиат
• AQSh_dollari