Яқин келажакда Исроил Иордания ва БААга Ғазо сектори аҳолисига гуманитар ёрдамни парашют билан туширишга рухсат беради. Бу ҳақда Фаластин ҳудудларида фуқаролик масалалари билан шуғулланадиган Исроил армиясининг махсус бўлинмаси вакили маълум қилди.

Озиқ-овқатни бу тарзда етказиш беришни ўтган йили АҚШ ва Буюк Британия ҳарбийлари Иордания, Миср ва Франция билан ҳамкорликда бошлаб берган эди.

ҲАМАС ташкилоти вакиллари, Ғазо сектори аҳолиси, шунингдек, кўплаб хорижий раҳбарлар ва инсон ҳуқуқлари ташкилотлари кўп ойлар давомида Исроилнинг озиқ-овқат таъминотини чеклайдиган ҳаракатлари туфайли Ғазо аҳолиси оммавий очлик хавфи остида эканлигини айтиб келади.

Исроил эса, бу айбловларни доимий рад этиб келади ва озиқ-овқатни хавфсиз равишда уруш зонасига киришини таъкидлайди.

• Фаластин
• Isroil
• Уруш
• oziq-ovqat