Исроил мудофаа армияси (ИДФ) ва Миср ҳарбийлари ўртасида 27 май куни Рафаҳ назорат-ўтказиш пунктида (КПП) ўқ отиш содир бўлди. Бу ҳақда икки давлат армиялари матбуот хизмати хабар берди.

“Душанба куни Миср чегарасида отишма содир бўлган. Ушбу воқеа мисрликлар билан кўриб чиқилмоқда ва муҳокама қилинмоқда”, – дейилади хабарда.

Шу билан бирга, Миср армияси отишма натижасида ҳалок бўлган чегарачилардан бири ҳақида хабар берган. Қоҳира воқеада Исроилни айблади. Расмийларнинг айтишича, Исроил аскарлари отишма бошлаган.

Исроил, ўз навбатида, Миср аскарлари Исроил армияси аскарларини олиб кетаётган юк машинасига ўт очганини даъво қилган ва исроилликлар жавоб ўқи узишганини айтган.

Исроил матбуотига кўра, Исроил ва Миср давлатлар ўртасида инқироз бўлишини истамайди ва ҳодиса юзасидан биргаликда тергов олиб боради.

• Чегара
• Фаластин
• Isroil
• Misr
• Отишма