“Манчестер Юнайтед” етакчиси Криштиану Роналду йил давомида бир неча юз миллион доллар ишлаб топиши ҳақида эшитгансиз. Унинг қандай автомобил бошқариши кўпчиликни қизиқтириши табиий.

Португалиялик футболчининг коллекциясида 11,5 млн. долларлик “Bugatti Centodieci” (дунёда атиги ўнта ишлаб чиқарилган) ва 2,71 млн. долларлик “Bugatti Chiron” каби “тойчоқлар” бор.

2021 йил охирида “Netflix” компанияси Роналдунинг рафиқаси Жоржина Родригесга бағишланган янги филм суратга олди. Унда португалиялик футболчининг 25 млн. долларлик суперкарлар билан тўлган “гараж”и намойиш этилган (“Daily Mail”). 

“Манчестер Юнайтед” юлдузи юқори баҳоли автомобилларнинг ашаддий ишқибози ва “Мен Жоржинаман” филмининг Мадриддаги 7 млн. долларлик уйида суратга олинган кадрларда кўплаб суперкарлар, жумладан, 2,71 млн. долларлик “Bugatti Chiron” намойиш этилган.

Аммо бу UEFA Чемпионлар лигаси тўпурарининг (140 гол) беш карра ғолибининг энг қиммат машинаси эмас: унинг коллекциясида 11,5 млн. долларлик “Bugatti Centodieci” ҳам бор. Тахминларга кўра, Bugatti’нинг бундай модели дунёда атиги ўнта одамда бор, улар орасида “Юнайтед” ҳужумчиси ҳам бор экани унинг автомобил ишқибози эканини тасдиқлайди. Ушбу суперкар двигателининг қуввати 1600 от кучига тенг, у 380 км/соат тезликка эриша олади.

Роналду бир неча йил муқаддам Bugatti унинг севимли автомобил ишлаб чиқарувчиси эканлигини тан олган. Бироқ, қаҳрамонимизнинг гаражида қиймати 676 минг доллардан зиёд бўлган “Ferrari 599 GTO”, “McLaren Senna” (1 млн. 14 минг доллар), шунингдек, “Rolls-Royce”нинг иккита нусхаси бор: “Cullinan” (405 минг доллар) ва “Phantom Drophead” (676 минг доллар).

Шунингдек, футболчида 2 млн. долларлик “Bugatti Veyron”, 270 минг долларлик “Mercedes-Benz S65 AMG”, ёрқин тўқ сариқ рангли “McLaren MP4-12C” (қиймати 270 минг доллар) ва “Lamborghini Aventador” (365 минг доллар) ҳам бор.

КриРо ўтган йил ёзда Манчестерга қайтиб келгач, 338 минг еврога “Bentley Flying Spur” автомобилини сотиб олди.

Криштиану Роналдунинг умумий миқдори 24,62 млн. доллар бўлган бутун бошли “флоти” билан танишинг:

“Bugatti Centodieci” – 11,50 млн. доллар;
“Bugatti Chiron” – 2,71 млн. доллар;
“Bugatti Veyron” – 2,3 млн. доллар;
“Ferrari Monza” – 1,89 млн. доллар;
“McLaren Senna” – 1,35 млн. доллар;
“Mercedes G-Wagon Brabus” – 812 000 доллар;
“Ferrari 599 GTO” – 676 000 доллар;
“Rolls-Royce Phantom Drophead” – 676 000 доллар;
“Ferrari F12 TDF” – 473 000 доллар;
“Rolls-Royce Cullinan” – 446 000 доллар;
“Lamborghini Aventador” – 352 000 доллар;
“Bentley Flying Spur” – 338 000 доллар;
“McLaren MP4-12C” – 365 000 доллар;
“Mercedes-Benz S65 AMG” – 270 000 доллар;
“Bentley Continental GT” – 204 000 доллар;
“Mercedes AMG GLE 63” – 171 000 доллар;
“Range Rover Sport” – 135 000 доллар;
“Chevrolet Camaro” – 47 000 доллар.

Қайд этиш мумкин, Роналдунинг умумий бойлиги 2020 йилда 1 млрд. долларга етган.

• Автомобил
• Mercedes-Benz
• Роналду