Франция президенти Эммануэль Макрон G20 саммити доирасида Париж Нигердаги янги ҳукуматни тан олмаслиги ва мамлакат қўшинларини Нигер ҳудудидан ягона шарт билан олиб чиқишини айтди.

“Франция қўшинлари Нигер ҳудудига Нигернинг ўз илтимосига кўра жойлаштирилди. Франциянинг бу борадаги позицияси оддий: биз буни қоралаймиз, президентнинг озод этилиши ва конституциявий тартиб қайта тикланишини талаб қиламиз”, – деди Макрон.

Франция президенти мамлакат қўшинини фақатгина президент Базумнинг илтимосига кўра, ҳудуддан олиб чиқишини қўшимча қилди.

Эслатиб ўтамиз, Нигерда ҳарбийлар июль ойининг сўнгги кунларида президент Базум ҳокимиятдан четлатилганини маълум қилган эди. Ғарб ва Ғарбий Африканинг аксарият мамлакатлари Нигердаги давлат тўнтаришини кескин қоралаган.

• Fransiya
• Нигер
• Сиёсат