2024 йил 19 сентябрь куни Манғистау – Нукус йўловчи поезди йўналишида ёнғин ҳодисаси юз берди. Соат 14:47 да тепловознинг “Б” секциясининг турбокомпрессоридан учқун чиқа бошлаган. Бу эса вагонлараро туташувларда махсус резина пластиналарнинг ёнишига олиб келди.

Шундан сўнг, машинист томонидан тепловоз ҳаракат таркибидан соат 14:50 да узилиб ёнғин бартараф қилинган ва соат 15:30 ҳаракатни давоми эттирган. Юқорида келтириб ўтилган ҳолат бўйича фуқароларга ва йўловчи вагонларига шикаст етмаган.

Шунингдек, ушбу йўловчи поезд Нукус станциясига соат 16:23 кириб келган (1 соат 3 дақиқа жадвалдан кеч кириб келган).

Ҳодиса натижасида масъул шахсларга нисбатан интизомий чоралар кўрилди ва қолган локомотивлар ёнғин хавфсизлиги бўйича такрорий текширувлардан ўтказилган. Хабарда айтилишича, ҳозирда локомотив таъмирланиб, фойдаланишга тайёр ҳолатда.  

• Поезд
• ёнғин