“Тошкентда 25 ноябрдан бошлаб “Зўравонликка қарши 16 кунлик фаол ҳаракат” глобал компанияси бошланди. Бу ташаббус Халқаро аёлларга нисбатан зўравонликка қарши кураш куни муносабати билан ўтказилади”, – деб хабар бермоқда Ижтимоий ҳимоя миллий агентлиги ахборот хизмати.

Хабарда шунингдек, ушбу компания аёллар ва болаларга нисбатан зўравонликка барҳам бериш учун жамиятнинг барча қатламлари саъй-ҳаракатларини бирлаштириш зарурлигини эслатиши айтилган.

Ижтимоий ҳимоя миллий агентлиги ушбу муҳим ташаббусни қўллаб-қувватлаш мақсадида ўз логотипини олов рангга ўзгартирган. Олов ранги — умид, ёруғлик ва зўравонликсиз келажак рамзилиги таъкидланган.

“Сизни ҳам ушбу акцияни қўллаб-қувватлашга, муаммога эътибор қаратишга ва бирдамликни намойиш этишга чорлаймиз. Биргаликда биз дунёни хавфсизроқ қила оламиз! Зеро, зўравонлик ҳеч қачон оқланмайди!”, – дея мурожаат қилган агентлик.

• Global
• Ижтимоий ҳимоя