Қозоғистон пойтахти Остонада Марказий Осиё давлатларининг ваколатли оммавий ахборот воситалари вакиллари маслаҳат йиғилиши бўлиб ўтди. Бу ҳақда Қозоғистон Маданият ва ахборот вазирлиги хабар берди.

Мазкур тадбирда ҳамкорликни мустаҳкамлаш ва минтақанинг ахборот маконини ривожлантириш масалалари муҳокама қилинган. Унда Қозоғистон, Тожикистон, Ўзбекистон ва Қирғизистон вакиллари иштирок этишган.

Қайд этилишича, йиғилишда оммавий ахборот воситалари соҳасида глобал муаммоларга қарши курашиш бўйича биргаликдаги саъй-ҳаракатлар муҳимлиги таъкидланган.

Иштирокчилар, шунингдек, медиасаводхонликни ошириш ва сохта хабарларга қарши курашиш масалаларини муҳокама қилишган.

Яна бир асосий масалалардан бири Марказий Осиёда ягона ахборот маконини яратиш бўлган. Томонлар ахборот хавфсизлиги ва маданий алмашинувни мустаҳкамлаш учун минтақавий умумий телеканал ва медиа платформа яратиш ғояларини кўриб чиққан.

• Markaziy Osiyo