Қозоғистон, Ўзбекистон ва Қирғизистонда электр таъминоти тўхтаб қолиши бу мамлакатлардаги Хитой ва Россия майнерлар фаолияти билан боғлиқ бўлиши мумкин, деб ҳисоблайди иқтисод фанлари номдози, молия соҳасидаги таҳлилчи Михаил Беляев. У ўз фикрлари билан “Лента.уз”да ўртоқлашди.

Иқтисодчига кўра, бундай катта қувватдаги электрдан узилиш маиший даражада, дейлик, барча бараварига электр чойнакларини ишлатганда ёки саноатдаги зўриқиш туфайли содир бўлиши мумкин эмас. Электр тизимини мутлақ ишдан чиқариш учун қандайдир экстраординар ҳолат рўй бериши керак эди.

“Ҳамма гап шундаки, Хитойда криптовалюта топишни тақиқланганидан сўнг, унинг ихлосмандалари Қозоғистонда ўрнашдилар. Бу иш жуда катта энергия сарфини талаб қилади. Бор-йўғи икки кун аввал Қозоғистон криптовалюта зўриқишлари туфайли электр танқислигини бошдан кечираётгани ҳақида ёзишди. Россия Марказий Банки криптовалютачилар фаолиятига чек қўймоқчи эканлиги ҳақидаги хабар тарқалганда эса у ерга россиялик майнерларнинг салмоқли қисми ҳам жойлашгани ва улар биргаликда тизимдаги мисли кўрилмаган зўриқишни вужулга келтиргани эҳтимолдан холи эмас”, – деб таъкидлаган Беляев.

• Электр энергияси
• Криптовалюта
• Майнинг
• Қозоғистон
• Россия