Мирслик археологлар Сакккара шаҳридаги қадимги қабристондан 3300 йиллик қабрларни топишга муваффақ бўлишди. Аниқланишича, улар орасидаги энг катта қабр Амон ибодатхонаси қўриқчси – Панехси исмли шахсга тегишли бўлган.

Қабр гуллар тасвири билан безалган, унинг юза қисмидаги бўёқ излари бугунги кунга қадар сақланиб қолган. Қизиғи шундаки, қабр ичидан топилган жасад қолдиқлари Панехсига тегишли бўлиб чиқмаган. Олимлар жасад қолдиқларини 2024 йилга қадар синчковлик билан ўрганишни режалаштирганлар.

Қабрларнинг бошқа бири эса Юйю исмли шахсга тегишли бўлиб, Юйю фиръавн хазинахонасида рассом бўлиб ишлаган. Унинг қабри кўплаб нашқлар билан безатилган. Тасвирлар орасида марҳумнинг ота-онаси, рафиқаси, фарзандлари ва набиралари ҳам акс эттирилган.

Экспертлар нашқларнинг юксак маҳорат билан ишланганини алоҳида қайд этганлар.

• Arxeolog
• Arxeologiya
• Misr
• Тарих
• илм-фан
• қизиқарли