Россия пойтахти Москвада 50 га яқин рейслар оммавий равишда бекор қилинди. Бундай маълумотлар Москва аэропортларининг онлайн жадвалида, шунингдек, Yandex.Schedule хизматида мавжуд.

“Москва аэропортларида 50 га яқин рейс кечиктирилди ёки бекор қилинди. Внуково аеропорти: 10 та рейс бекор қилинди, Домодедово – 9, Шереметево – 30 та”, - дейилади хизмат хабарида.

Таъкидланишича, бу Ўзбекистон, Туркия, Миср, Тожикистон, Арманистон, Озарбайжон, Қозоғистон ва Беларусга ҳамда Россиянинг қатор шаҳарларидаги парвозларга таъсир қилган. Бекор қилиш ва кечикишлар сабаблари ҳақида хабар берилмаган.

Қайд этиш жоиз, март ойида АҚШ президенти Жо Байден Америка Қўшма Штатлари Россия самолётлари учун ҳаво ҳудудини ёпганини эълон қилди. Россия Федерацияси учун ҳаво ҳудуди Ирландия, Дания, Белгия ва Швеция томонидан ҳам ёпилди. Чехия Украинадаги махсус операцияга жавобан шундай қарорга келган биринчи давлат бўлди. Кейин унга Литва, Полша, Болгария, Эстония, Латвия, Руминия ва Финляндия қўшилди. Шу сабабли, Россия авиакомпанияларининг кўплаб рейслари оммавий равишда бекор қилинди.

• Жаҳон
• Россия
• Samolyot
• авиация