Тан олинг, мотивацияни ҳис қилиш, эҳтимол, сиз қила оладиган энг қийин ишлардан биридир. Агар бу жуда осон бўлганида, ҳар бир киши олдинга силжиб, ўз олдига қўйган мақсадларига эришган бўларди.

Нимадан роҳатланишингиз ва сизга чинакамига завқ берадиган нарса ҳақида ўйлаб кўринг. Келинг, кунингизни бошлаш учун сизга куч бағишлайдиган омилларни кўриб чиқамиз.

Будильник вақтини кечиктирманг. Будильникни кечиктириш сизни дарҳол туришдан кўра ёмонроқ кайфиятда уйғотиши мумкин. Ҳар 5-10 дақиқада тўхтатилган уйқунинг фойдадан кўра зарари кўп. Будильникни хонанинг нариги томонига қўйишга ҳаракат қилинг, шунда уни ўчириш учун ётоқдан туришдан бошқа иложингиз қолмайди.

Уйғонганингизда кўришингиз учун энг катта орзуларингизни ёзинг. Бизнинг миямиз доимо ҳаётимиздан нимани хоҳлаётганимизни эслаб туриши керак. Уни ёзиб олиш бизнинг руҳият ва эътиқод тизимимизда катта ўзгаришларни келтириб чиқаради, чунки оддий фикр ва орзу бирданига аниқ кўринадиган бўлиб қолади. У бирданига жонли тасаввур эмас, балки рўёбга чиқиши мумкин бўлган нарсага айланади.

Сув ичинг. Ухлаётганингизда танангиз жуда сувсизланади ва уйғонганингизда чарчоқ ҳиссини туясиз. Ўриндан туришингиз билан бир стакан илиқ сув ичишингиз соғлиғингиз ва ичак фаолияти учун ҳам фойдалидир. Айтганча, юзингизни совуқ сув билан ювишни ҳам унутманг.

Машқ қилинг. Мунтазам жисмоний машқлар инсонда бахтиёрлик ҳиссини уйғотадиган дофаминни ишлаб чиқариши илм-фан томонидан исботланган. Бу биологиянгизнинг “ўзини яхши ҳис қилиш” таблеткаси бўлиб, уларни тез-тез бажариш нафақат ўзингизни яхши ҳис қилишингизга ёрдам беради, балки танангиз саломатлиги учун ҳам фойдалидир.

Медитация қилинг. Медитация кунни бошлашнинг яхши усулидир, чунки у парасемпатик асаб тизимини фаоллаштиришда ёрдам беради. Медитация нафақат онгингиз, балки танангизга ҳам тетиклик, қувват бағишлайди ва унинг ёшаришига сабаб бўлади.

Яхши ва фойдали нонушта қилинг. Яхши нонушта сизни тушликкача қувват билан таъминлайди. Нонуштани ўтказиб юбориш диққат-эътиборни йўқотиш ва асабийлашишга олиб келиши мумкин. Маълумки, ситрус энергияни оширади, шунинг учун уйдан чиқишдан олдин тўғри нонушта қилишга вақтингиз бўлмаса, эрталаб апелсин истеъмол қилсангиз, кучга тўлиб оласиз.

Янги кунда нима қилишингиз кераклигига эътибор қаратинг. Эрталаб куннинг энг қийин вақти бўлиши мумкин, чунки бу вақтда сизни бажарилиши керак бўлган жуда кўп вазифалар ва топшириқлар кутиб турган бўлади. Бунда эришмоқчи бўлган мақсадларингизнинг энг каттасига эътибор қаратиш туфайли кўпинча ўзингизни йўқотиб қўйишингиз мумкин. Лекин шуни ёдда тутингки, бугун қилишингиз керак бўлган ишлар охир-оқибат сизни ўз мақсадингизга олиб боради. Мақсадларингизни кичикроқ бўлакларга бўлинг ва уларни босқичма-босқич мунтазам равишда амалга оширинг.

Кичик танаффуслар қилинг. Эрталаб ҳар ярим соатлик ўз устингизда мустақил шуғулланиш учун ўзингизга танаффус беринг. 20 дақиқалик таймерни ўрнатиб, “Помодоро техникаси”дан фойдаланинг. Кейин қолган дақиқани дам олиш, қаҳва тайёрлаш ёки қисқа масофага юришга сарфланг. Сиз ўша 2 соат ичида бутун кун давомида диққатсиз ишлаганингиздан кўра кўпроқ иш олиб борганингизни билиб оласиз.

Ривожланишда давом этинг. Доимо ўсишга интилинг. Сиз билан бирга бўлган одамлар сизни доимо қизиқарли деб билишсин. Мақсадларингизга эришган бўлсангиз, ўз олдингизга янада юқорироқ мақсадларни қўйишга ҳаракат қилинг ва бу сизни кейинги босқичга олиб чиқади. Дарҳақиқат, маршрутлар деган нарса йўқ, фақат марралар бор!

Шахсий блогни бошланг ва кашфиётларингизни дунё билан баҳам кўринг. Эга бўлишингиз мумкин бўлган энг катта мамнуният – бу билган нарсангизни бошқалар билан баҳам кўришдир. Шунингдек, бу усул блогингиз кузатувчилари олдидаги масъулият ҳиссини беради ва натижада, янги нарсалар ўрганишга, яхши натижаларга эришишга ҳаракат қиласиз.

Ўзингизга ёқадиган янги кўникмаларни ўрганиш учун кунига бир соат вақт ажратинг. Янги кўникмаларни ўрганиш шахс ва кадр сифатида сизнинг ривожланишингизга сабаб бўлади. Шу билан бирга, ўз қадр-қимматингиз ва ўзингизга бўлган ишончингизни оширади.

Кунига бир неча соатни фақат ўйин-кулги ва дам олиш учун сарфланг. Эътиборни фақат ишга қаратиш яхши фикр эмас. Биз дам олишимиз ва қизиқарли машғулотлар билан шуғулланишимиз керак. Аслида, бу шунчалик муҳимки, Google буни ўз иш ахлоқининг бир қисми сифатида ишлатади. Бизнинг энг ижодий ғояларимиз иш билан боғлиқ бўлмаган нарсаларни бажариш орқали келиб чиқади.

Мувозанатли ҳаёт яратишга эътибор қаратинг. Агар бутун вақтингиз ва кучингизни фақатгина бир нарсага сарфласангиз, сизни бахтли қиладиган бошқа ҳеч нарса йўқлиги сабабли шахсиятингизга зарар етказиш хавфи катта. Сизни бахтли қиладиган барча нарсаларга мос келадиган мувозанатли жадвал тузинг, шунда бир нарса тўсатдан муваффақиятсизликка учраса, ҳаётингизда сизни позитив сақлайдиган бошқа нарса бўлади.

Фикр алмашиш учун сиз билан мақсади бир инсонлар гуруҳини тузинг. Сиз каби нарсаларни хоҳлайдиган, ўхшаш фикрли одамларни қидиринг. Муваффақият йўлидан бориш баъзан ёлғиз саёҳат бўлиши мумкин. Саёҳатда бошқа одамларнинг бўлиши ғоялар алмашиш ва ўзаро фикр алмашиш туфайли ишларни осонлаштиришга ёрдам беради. Агар бунинг иложи бўлмаса, китоблар, аудиолар ёки бошқа блоглардан муваффақиятли шахсларни қидиринг ва уларнинг муваффақиятларидан сабоқ олинг. Бу сизга мақсадга эришиш учун керакли ижобий фикрларни яратишга ёрдам беради.

Ҳаётни жуда жиддий қабул қилманг. Баъзан бу ҳаёт вақтинчалик эканлигини унутиш осон. Мақсадларга эришиш ва ўзингизни яхшилаш қанчалик муҳим бўлса-да, ҳеч биримиз абадий яшай олмаймиз. Ҳар доим вақтингиз ва ҳаётнинг нозик томонларини қадрлашга ҳаракат қилинг!

• Фойдали
• Мотивация
• лайфхак
• қизиқарли