7 март куни Нигериянинг Кадуна штатида қуролланган шахслар 227 нафар мактаб ўқувчисини ўғирлаб кетишди. Бу ҳақда “DW” хабар берди.

Маҳаллий ўқитувчиларнинг сўзларига таянган “Reuters” агентлигининг маълум қилишича, ўғирлаш 2021 йилдан бери мактабдаги бола ўғирлашлар орасидаги энг йиригидир. Кадуна штати полицияси “Reuters” агентлигининг одам ўғирлаш бўйича изоҳ бериш ҳақидаги сўровларига жавоб бермаган.

Қайд этилишича, жангарилар эрталабки йиғилишдан кейин мактабга ҳужум қилган. Ўқитувчилардан бири Сани Абдуллаҳининг сўзларига кўра, ўрта мактабдан ўғирланганлар сони 187 нафар, бошланғич мактабдан эса 40 нафарга яқин. Курига шаҳар кенгаши депутати Идрис Маяллуранинг айтишича, жангарилар дастлаб 100 нафар бошланғич синф ўқувчисини қўлга олган, бироқ сўнг бир қисмини қўйиб юборишган ва баъзилари қочишга муваффақ бўлишган.

Штат губернатори Уба Сани барча мактаб ўқувчиларининг озод этилишини таъминлашга ваъда берган. “Amnesty International” Нигерия ҳукуматини болаларни қутқариб, айбдорларни жавобгарликка тортишга чақирган.

• Жиноят
• Мактаб
• Nigeriya