1. Тери ва сочлар жилоси учун

Сариёғ таркибидаги Э витамини соч, тирноқ ва теримизнинг соғлиги ҳамда гўзаллиги учун жуда муҳим аҳамиятга эга. Ҳар куни оз миқдорда сариёғ тановул қилиш орқали ялтирамайдиган, хира ва қуруқ сочларни ҳамда қуруқшаган терини батамом унутасиз.

2. Соғлом томирлар учун

Соғлом томирлар учун яхши холестерин даражасини билиш жуда муҳимдир. Айнан сариёғ қондаги холестеринни бевосита оширадиган маҳсулотларнинг зарарини камайтира олади. Сариёғ билан бирга гўшт ва тухум истеъмол қилинг.

3. Ошқозон учун табиий ёғ

Сурункали ошқозон-ичак касалликларидан азият чекувчилар таомномасига сариёғни киритиш керак. Таркибидаги А витамини боис у жароҳатларни даволашда ва яллиғланишдан халос бўлишда ёрдам беради. Бундан ташқари, сариёғ ошқозон деворларини ўраб турган ҳолда табиий мойлаш вазифасини бажаради.

4. Қўшимча куч-қувват

Сариёғ танага озиқ-овқат билан кирадиган ҳар қандай ҳайвон ёғи каби қўшимча куч-қувват ва илиқлик беради. Шу билан бирга, у қадди-қоматга зарар етказмаслиги учун кунига тановул қилинган сариёғ миқдори 30 граммдан ошмаслиги керак.

5. Яхши кайфият

Сут ёғларида кўплаб триптофан – аминокислоталари мавжуд бўлиб, улар серотонинни ишлаб чиқаришга ўз ҳиссасини қўшади. Шундай қилиб, сариёғни яхши кайфиятнинг таркибий қисмларидан бири деб номлаш мумкин. Серотонин, шунингдек, ширинликларга бўлган интилишни камайтиради ва уйқуни яхшилайди.

6. Ишлаш қобилияти ортади

Сут ёғлари мия ҳужайраларини янгилашга ёрдам беради, ақлий жараёнларни тезлаштиради ва диққатни оширади. Мактаб ўқувчилари ва ақлий меҳнат кишиларининг рационида сариёғнинг бўлиши жуда муҳим.

Сариёғнинг кунлик меъёрий тановули – 10 грамм. Катта ёшли соғлом киши бир кунда 20-30 граммгача сариёғ ейиши мумкин.

 Гули Шайхова, тиббиёт фанлари доктори, профессор, нутритсиолог

• Фойдали
• Lifestyle
• саломатлик