Шахмат бўйича 13-жаҳон чемпиони Гарри Каспаров Жавоҳир Синдаров Кипрда ғалаба қозонса, кейинги воқеалар қандай ривожланиши мумкинлиги ҳақида фикр билдирди. “Магнус ўйнамай қўйганидан бери жаҳон чемпионлиги матчлари ҳақида менинг фикримни биласиз. Мен Синдаров ва Карлсен матчини кўришни жуда хоҳлайман. Мана шу ҳақиқий, унвонга муносиб матч бўларди”.

Унинг сўзларига кўра, матч формати турнирдан бутунлай фарқ қилади: “Матч – bu бошқа олам. Унинг ўзига хос динамикаси  бор. Агар Синдаров Гукеш Доммаражуга қарши ўйнаса, Гукеш жуда барқарорлиги туфайли  матч тенгликда ўтади деб ўйлайман”, – дейди Каспаров.

У яна бир муҳим жиҳатни таъкидлади: “Агар Синдаров Номзодлар турнирида ғалаба қозонса, у янги босим ва янги мақом билан қандай ўзини тутиши ҳам қизиқ бўлади. Шунингдек, яқин орада Жавоҳир Синдаровни “Гранд Chess Tour”да ҳам кўрамиз. У аслида шу турда иштирок этиши керак бўлган Гукеш Доммаражу ўрнига қўшилди”. Каспаровнинг айтишича, bu ҳам ўзига хос “тақдир ҳазили”га ўхшайди”.

• Кипр
• Шахмат
• Спорт