Оксфордлик тадқиқотчилар болалар ва катталарда жиддий ногиронлик келтириб чиқарадиган ирсий касалликни аниқлади, деб ёзади “Тhе Guardian”. Уларнинг фикрича, бу аллақачон бутун дунё бўйлаб юз минглаб одамларга таъсир қилган.

Олимлар Буюк Британия, Европа ва АҚШда юзлаб одамларнинг ДНКсини ўрганишди. Улар гендаги мутацияларни аниқладилар ва беморлар сони анча кўп бўлишини кутишмоқда. Ушбу касалликдан азият чекадиган одамлар ривожланишда жиддий кечикишларга дуч келишади.

Ташхис қўйилганларнинг кўпчилиги гапира олмайди, найча орқали озиқланади ва тутилишдан азият чекади. Бузуқлик юз хусусиятларидаги характерли ўзгаришлар, масалан, катта қулоқлар, тўлиқ ёноқлар ва оғизнинг чўкиши билан намоён бўлади.

Оксфорд университетидаги Катта маълумотлар институти ва Инсон генетикаси марказининг доценти Никола Уиффиннинг айтишича, нейроривожланиш бузилишини топиш одатий ҳолдир, лекин уни жуда тез-тез топиш жуда ғалати.

Олимлар бу касаллик қайси омилга кўра пайдо бўлганини била олишмаяпти.

• Касаллик