Қозоғистонда EC-145 вертолёти ҳалокатида иккинчи қурбоннинг жасади топилди.

Қозоғистон жануби-шарқидаги Олмаота вилоятида уч ҳафта олдин ҳалокатга учраган вертолётда ҳалок бўлган иккинчи одамнинг жасади топилди, деб хабар қилди якшанба куни республика Мудофаа вазирлиги матбуот хизмати.

25 июль куни Қозоғистон Мудофаа вазирлиги бортида уч экипаж аъзоси бўлган вертолёт радарлардан ғойиб бўлганини маълум қилинганди. Самолёт минтақадаги режали парвоз вақтида ғойиб бўлган. Ўша куниёқ қидирув-қутқарув ишлари бошланган.

Кейинроқ Фавқулодда вазиятлар вазирлиги Сорбулоқ кўли сувларида ҳарбийларга тегишли бўлиши тахмин қилинаётган вертолёт бўлаклари топилганини маълум қилган.

Шанба куни республика ҳарбий бошқармаси уч ҳафта олдин ҳалокатга учраган Ҳаво мудофааси кучларининг EC-145 вертолётининг парчалари, шунингдек, марҳумнинг жасади топилгани ҳақида хабар берди.

Ҳалокат жойини топиш учун сунъий йўлдош маълумотлари ёрдамида математик ҳисоб-китоблар амалга оширилгани маълум қилинди.

• Halokat
• Қозоғистон