Ню-Ёркдаги Comex биржасида олтин нархи бир троя унцияси (31,1 грамм) учун илк бор 4000,1 долларга чиқди. Гарчи кейин 3987,4 долларгача тушган бўлса-да, бу рекорд даражага яқин қолмоқда. Олдинги рекорд 6 октябрда — 3949 доллар эди.

Ўтган ҳафта олтин нархи уч марта тарихий максимумни янгилаб, 3757 доллардан 3885 долларгача кўтарилган — деярли 130 доллар ёки 3 фоиздан ортиқ ўсиш.

Бунинг асосий сабаби — 1 октябрда АҚШда ҳукумат шатдауни (ишининг тўхташи). Бюджет бўйича келишмовчиликлар сабаб давлат идоралари фаолияти вақтинча тўхтаган, бу эса инвесторларни “хавфсиз актив” — олтинга юз буришга мажбур қилган.

Bloomberg маълумотларига кўра, 2025 йил бошидан бери олтин нархи 50 фоизга ошган (1 январда 2623 доллар эди). Бунга Трамп давридаги геосиёсий ноаниқликлар ҳам сабаб сифатида кўрсатилмоқда.

• Bloomberg
• Nyu-York
• Олтин