31°
Кечаси 18°
Ўзбекистон Қирғизистонга ойига 20 минг тоннага яқин нефть маҳсулоти етказиб бериши мумкин
Қирғизистон Ўзбекистондан ойига 20 минг тоннага яқин нефть маҳсулоти импорт қилишни режалаштирмоқда. Бу ҳақда Қирғизистон Вазирлар Маҳкамаси раиси Одилбек Қосималиев «Кабар» агентлигига берган интервьюсида маълум қилди.
Унинг айтишича, Қирғизистон ёқилғи-мойлаш материалларига бўлган эҳтиёжининг 90 фоиздан ортиғини импорт ҳисобига қоплайди. Шу сабабли мамлакат ички бозоридаги нархлар ташқи бозордаги нархлар, геосиёсий вазият ва транспорт харажатларига бевосита боғлиқ.
Қосималиев Россиядан ёқилғи етказиб бериш аввалгига нисбатан мураккаблашганини қайд этиб, бензин нархи яна ошиши мумкинлигидан огоҳлантирди.
Унинг сўзларига кўра, ҳукумат ёқилғи таъминотини барқарорлаштириш мақсадида бир нечта давлатлар билан музокаралар олиб бормоқда. Ана шу ҳамкорлик доирасида Ўзбекистондан ойига қарийб 20 минг тонна нефть маҳсулоти етказиб бериш масаласи ҳам кўриб чиқилмоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
