31°
Кечаси 18°
Бухорода қидирувга берилган қашқадарёлик гумонланувчи Тошкентда қўлга олинди
Ижтимоий тармоқларда “Аппле Насия” ва “Ҳалол Насия Савдо” номлари остида фаолият юритган шахс Тошкент шаҳрида қўлга олинди. Бу ҳақда Бухоро вилояти Ички ишлар бошқармаси маълум қилди.
Маълумотларга кўра, Қашқадарё вилоятининг Китоб туманида туғилган Р.Қ. ахборот технологияларидан фойдаланган ҳолда фирибгарлик содир этганликда гумон қилинмоқда. Тезкор-қидирув тадбирлари давомида у Тошкент шаҳрининг Учтепа туманида яшириниб юрган вақтида ушланган.
Текширув чоғида гумонланувчидан олинган Redmi 12 Pro русумли мобил телефонда “Аппле Насия” ва “Ҳалол Насия Савдо” номли профиллар аниқланиб, улар ашёвий далил сифатида расмийлаштирилган.
Дастлабки маълумотларга кўра, мазкур профиллар орқали 50 га яқин фуқаро фирибгарлик қурбони бўлган бўлиши мумкин.
Ҳолат юзасидан гумонланувчига нисбатан Жиноят кодексининг 168-моддаси 3-қисми (фирибгарлик) билан жиноят иши қўзғатилган. Терговдан яширингани сабабли у аввалроқ қидирувга берилган ва суд томонидан қамоққа олиш эҳтиёт чораси қўлланган.
Ҳозирда тергов ҳаракатлари давом этмоқда. Ҳуқуқни муҳофаза қилувчи органлар ушбу шахснинг бошқа эҳтимолий жабрланувчиларини ҳам аниқламоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
