2026/2027-ўқув йили учун хорижий ва нодавлат олий таълим муассасаларидан Ўзбекистон давлат ОТМларига ўқишни кўчириш бўйича махсус синовларнинг ўтиш баллари расман тасдиқланди. Бу ҳақда Олий таълим, фан ва инновациялар вазирлиги маълум қилди. Вазирнинг тегишли буйруғига кўра, энг юқори ўтиш бали Ҳуқуқ йўналиши учун белгиланган бўлиб, талабгорлар камида 165 балл тўплаши керак.

Йўналишлар бўйича ўтиш баллари: Ҳуқуқ — 165 балл Сиёсатшунослик — 140 балл Халқаро муносабатлар — 140 балл Жаҳон иқтисодиёти ва халқаро иқтисодий муносабатлар — 140 балл Соғлиқни сақлаш — 132 балл Санъат, ижтимоий фанлар, журналистика, бизнес ва бошқарув — 105 балл Транспорт хизматлари — 104 балл Таълим, гуманитар фанлар, тиллар, атроф-муҳит, математика ва статистика, АКТ, ижтимоий таъминот — 94 балл Биологик фанлар, физика, хизмат кўрсатиш — 80 балл Муҳандислик, ишлаб чиқариш ва архитектура — 75 балл Қишлоқ, ўрмон ва балиқ хўжалиги, меҳнат муҳофазаси — 70 балл Ветеринария — 60 балл Қайд этилишича, айрим йўналишларда ўтиш баллари ўтган йилга нисбатан ошган.

Хусусан, санъат йўналиши бўйича минимал талаб 93 баллдан 105 баллга, соғлиқни сақлаш йўналишида эса 129 баллдан 132 баллга кўтарилган. Шунингдек, вазирлик хорижий ОТМлардан Ўзбекистондаги давлат олийгоҳларининг мос ёки турдош бўлмаган бакалавриат йўналишларига ўқишни кўчиришга рухсат берилмаслигини эслатди.