Ўзбекистон олий таълим, фан ва инновациялар вазири Қўнғиротбой Шариповнинг Словения Республикаси Президентининг халқаро муносабатлар бўйича маслаҳатчиси, профессор Златко Шабич билан учрашуви бўлиб ўтди.

Учрашув давомида икки томонлама ҳамкорликни ривожлантириш, хусусан, таълим, фан ва инновация соҳаларидаги алоқаларни чуқурлаштириш масалалари муҳокама қилинди.

Томонлар академик алмашинувларни кенгайтириш, 2+2 модели бўйича қўшма таълим дастурларини ишга тушириш, Словения савдо-саноат палатаси ва Спирит тадбиркорликни ривожлантириш агентлиги кўмагида инвестиция ва илмий-таълим ҳамкорлигини ривожлантириш, шунингдек, қўшма форумлар ўтказиш имкониятларини кўриб чиқдилар.

Учрашув якунида томонлар таклиф этилган йўналишда амалий иш форматида ишлашни давом эттиришга келишиб олдилар.

• Олий таълим
• Ўзбекистон
• Sloveniya