“NURA Electric” корхонасида муҳандислик ишланмалари ва дуал таълим тизимини ривожлантиришга алоҳида эътибор қаратилмоқда. Корхонада 100 нафарга яқин муҳандис-конструктор ва технолог ўз ишланмаларини ишлаб чиқариш жараёнига жорий этмоқда.

Шунингдек, 50 нафар талаба дуал таълим асосида фаолият юритиб, бир вақтнинг ўзида маош олмоқда ва амалий тажриба орттирмоқда.

Юқори қўшилган қийматга эга маҳсулотлар ишлаб чиқариш ҳамда технологик ривожланишда замонавий муҳандислар, конструкторлар ва илмий ишланмалар муҳим аҳамият касб этиши таъкидланди.

Айни пайтда техника олий таълим муассасаларининг 20 нафар талабаси ва тадқиқотчиси Жанубий Кореядаги электроника корхоналарида таълим олмоқда. Яқин вақт ичида уларнинг сонини 100 нафарга етказиш режалаштирилган.