Қишлоқ хўжалиги вазирлиги, Экология, атроф-муҳитни ҳимоя қилиш ва иқлим ўзгариши вазирлиги ҳамда Сурхондарё вилояти ҳокимлиги ҳамкорлигида “Чўлиқ” номли бадиий фильм суратга олинади. Бу ҳақда Кинематография агентлиги матбуот хизмати хабар берди.

Қайд этилишича, фильмда экологик муаммолар, чўпонлар ва уларнинг ҳаёти орқали қишлоқ хўжалигидаги ҳозирги давр имкониятлари ҳақида ҳикоя қилади. Суратга олиш ишлари Сурхондарё вилоятининг Бойсун, Денов, Олтинсой, Сариосиё туманларида, Қашқадарё, Жиззах, Бухоро Тошкент вилоятлари ҳамда Тошкент шаҳрининг турли манзилларида  бўлиб ўтади.

Ҳозирда фильмнинг актёрлар жамоаси учун кастинг жараёнлари давом этмоқда. Фильм сценарий муаллифи ва постановкачи режиссёр Жамолиддин Қўзибоев.

Маълумот учун, “Чўлиқ” филми Кинематография агентлиги томонидан эълон қилинган танлов ғолибларидан бири ҳисобланади.

• Экология
• film