2025 йилнинг январь-март ойларида Ўзбекистондаги хорижий ИТ-компаниялардан солиқ тушумлари қарийб 1,5 баробарга ошди.

68 та хорижий электрон хизмат кўрсатувчи компанияларнинг солиқ тўловлари жорий курс бўйича 36,2 млрд сўмни ёки 2,79 млн долларни ташкил этди. Ушбу сумманинг 94,5 фоизи ўнта энг йирик ИТ-компанияларга тўғри келди.

Тақдим этилаётган хизматлар ҳажми ҳам 47 фоизга ошиб, 208,6 миллиард сўмдан 306,6 миллиард сўмгача ўсди. 

Биринчи чоракда тўланган солиқлар суммаси бўйича Apple компанияси 10,67 млрд сўм тўлаб, етакчи бўлди. Иккинчи ўринда Meta 10,51 млрд сўм. Икки компания барча хизматлар ва солиқ тушумларининг ярмини таъминлади.

Google 8,93 миллиард сўм билан учинчи ўринни эгаллади. Топ-5 га биринчи марта OpenAI (1,09 млрд сўм) ва Ўзбекистонда блокланган TikTok (934,8 млн сўм) кирди.

• Apple
• Ўзбекистон
• Солиқ