Ўзбекистонда қурилиши режалаштирилаётган Атом Электр Станцияси (АЭС) лойиҳаси мамлакат энергетика соҳасида янги босқични бошлаб бериши кутилмоқда. Айни пайтда лойиҳанинг техник ечимлари, макетлари ва хавфсизлик тизимлари устида ишлар олиб борилмоқда.

Ушбу станцияда ВВЕР-1200 туридаги замонавий реакторлар қўлланилади. Улар 3+ авлод технологиясига асосланган бўлиб, халқаро хавфсизлик стандартларига тўлиқ жавоб беради. Ҳар бир реакторнинг хизмат муддати 60 йил этиб белгиланган. Агар техник ҳолат рухсат берса, бу муддат яна 20 йилгача узайтирилиши мумкин.

Энг муҳими — станция МСК-64 шкаласи бўйича 9 баллгача зилзилага чидамли қилиб лойиҳалаштирилган. Бу эса уни сейсмик фаол ҳудудлар учун ҳам хавфсиз қилади. АЭС қурилиши орқали Ўзбекистонда электр энергиясига бўлган талабни барқарор қондириш, табиий газ истеъмолини камайтириш ва экологик тоза энергия манбаларини ривожлантириш мақсад қилинган.

• АЭС
• Жиззах
• O'zAtom