Йоханнес Бе 2022 йилги Олимпиаданинг энг совриндор спортчисига айланди. Норвегиялик спортчи Пекинда бешта медални қўлга киритди, шундан тўрттаси эса олтин.

Пекинда (Хитой) XXIV қишки Олимпия ўйинлари якунланди, мусобақа доирасида етти спорт тури (15 та йўналиш) бўйича 109 та медаллар жамланмаси ўйналди. 29 давлат вакиллари эса совринли ўринларни қўлга киритди.

Шу билан бирга, 105 нафар спортчи Пекинда бир нечта медалларни қўлга киритишга муваффақ бўлди ва улардан 12 нафари уч ва ундан ортиқ Олимпия ўйинлари совринларига эга чиқди.

Қайд этиш мумкин, мазкур Олимпиаданинг энг унвонли спортчиси норвегиялик биатлончи Йоханнес Тингнес Бе бўлди, спортчи тўртта олтин, битта бронза жами 5 та медални ўзиники қилди.

Рейтингнинг иккинчи ўрнидан чанғида югуриш бўйича бешта медаль – учта олтин, битта кумуш ва битта бронзани қўлга киритган РОК вакили Александр Болшунов жой олди.

Мукофотлар сони бўйича кучли учликни, норвегиялик биатлончи Марте Олсби Роиселанд ёпиб берди. У ўз ватандоши Бе каби Пекиндан бешта мукофотни қўлга киритган бўлсада, унда олтинлар сони камроқ яъни 3 та биринчи ўрин, 2 та учинчи ўрин.

2022 йилги Қиши Олимпиаданинг энг унвонли спортчилари ТОП-10:

1. Йоханнес Бе (Норвегия, биатлон) – 4 та олтин, 1 та бронза (5 та медаль);

2. Александр Болшунов (РОҚ, чанғида югуриш) — 3 олтин, 1 кумуш, 1 бронза (5 медаль);

3. Марте Олсби Роиселанд (Норвегия, биатлон) – 3 та олтин, 2 та бронза (5 та медаль);

4. Ирене Счоутен (Нидерландия, конькида учиш) — 3 олтин, 1 бронза (4 медаль);

5. Тереза Йохауг (Норвегия, чанғида югуриш) — 3 та олтин (3 та медаль);

6. Квентин Фиён Маиллет (Франция, биатлон) – 2 та олтин, 3 та кумуш (5 та медаль);

7-9. Таржеи Бе (Норвегия, биатлон) — 2 та олтин, 1 та кумуш, 1 та бронза (4 та медаль);

7-9. Йоханнес Клебо (Норвегия, чанғида югуриш) — 2 олтин, 1 кумуш, 1 бронза (4 медаль);

7-9. Сюзан Шултинг (Нидерландия, шорт-трек) – 2 олтин, 1 кумуш, 1 бронза (4 медаль);

10-12. Гу Аилинг (Хитой, фрицтайл) – 2 та олтин, 1 та кумуш (3 та медаль);

10-12. Йоханнес Стролз (Австрия, чанғи спорти) — 2 та олтин, 1 та кумуш (3 та медаль);

10-12. Йорген Гробак (Норвегия, тоғ чанғиси) — 2 олтин, 1 кумуш (3 медаль);

Эслатиб ўтамиз аввалроқ, Қишки Олимпиада ўйинлари якунларига кўра, умумий медаллар жамғармасида қайси мамлакат ғалаба қозонгани ҳақида хабар берилган эди.

• Қишки Олимпиада
• Хитой