Қатар пойтахти Доҳа шаҳрида рапид ва блитс шахмат бўйича Жаҳон чемпионати ўз якунига етди.

Мусобақанинг блитс йўналишида ҳамюртимиз Нодирбек Абдусатторов финалга қадар етиб келди. 

Чемпионатда 19 та тур якунига кўра, энг кучли шахматчилар ҳал қилувчи босқичга етиб келишди.

Ярим финал форматидаги ўйинда гроссмейстеримиз Аржун Эригаисини 2,5 : 0,5 ҳисобларида мағлубиятга учратиб, финалга йўл олди. 

Ҳал қилувчи финал баҳсида эса Нодирбекка шахмат юлдузи, дунёнинг биринчи рақамли гроссмейстери Магнус Карлсенга қарши дона сурди.

Тўртта партиядан иборат финал босқичида эса афсуски Нодирбек 1,5 : 2,5 ҳисобида имкониятни бой бериб қўйди.

Шу тариқа, Нодирбек Абдусатторов блитс шахмат бўйича Жаҳон витсе-чемпионига айланди.

Магнус Карлсен эса 2025-йилги ЖЧда рапид йўналишида ҳам, блитс йўналишида ҳам олтин медалга эга чиқди.

Маълумот учун, Абдусатторов 2021 йили Варшавада ўтказилган Жаҳон чемпионатида рапид йўналишида чемпион бўлганди. 

• финал
• Жаҳон чемпионати
• Магнус Карлсен
• Nodirbek Abdusattorov
• Шахмат