Криштиану Роналду 2025-йилги дунёнинг энг кўп даромад топган спортчилари рейтингида биринчи ўринни эгаллади. Бу ҳақда Sportico нашри хабар бермоқда.

Манбага кўра, 40 ёшли португалиялик футболчининг йиллик умумий даромади 260 млн АҚШ долларини ташкил этган. Роналдуга мазкур маблағнинг 200 млн доллар Саудия Арабистонининг “Ал-Наср” клубидаги маоши, қолган 60 миллиони эса ҳомийлик шартномалари, реклама битимлари ва майдондан ташқаридаги бошқа лойиҳалардан тушган.

Мексикалик боксчи Саул Алварес 137 миллион доллар даромад билан ушбу рўйхатда иккинчи поғонадан жой олган. У 125 млн долларни жанглардан, қолган 12 млн доллар эса ҳомийлик келишувларидан топилган.

Аргентина терма жамоаси футболчиси Лионел Месси эса 130 миллион доллар даромад билан 3-ўринни эгаллаб, кучли учликни якунлаб берди. Месси “Интер Маями”даги маошидан 60 млн доллари, ҳомийлик ва тижорат лойиҳаларидан эса 70 млн доллари даромад олган.

Sportico маълумотларига кўра, 2025 йилда энг кўп маош олган 10 спортчи:

Криштиану Роналду (футбол, “Ал-Наср” ) – 260 млн доллар;

Саул Алварес (бокс) – 137 млн доллари;

Лионел Месси (футбол, “Интер Маями” ) – 130 млн доллари;

Хуан Сото (бейсбол, “Метс”) – 129,2 млн доллари;

Леброн Жеймс (баскетбол, “Лакерс”) – 128,7 млн доллар;

Карим Бензема (футбол, “Ал Иттиҳод”) – 115 млн доллар;

Стивен Карри (баскетбол, “Golden State”) – 105,4 млн доллар;

Сёхей Отани (бейсбол, “Dodgers”) – 102,5 млн доллари;

Кевин Дюрант (баскетбол) – 102,5 млн доллар;

Жон Рам (гольф) – 100,7 млн доллар.

• Футбол
• Маош
• Месси
• Роналду