Карол Навроский бугун Полша президенти сифатида қасамёд қабул қилди ва лавозимига киришди.

Унинг асл соҳаси тарих фанлари бўйича тадқиқотчилик  ҳисобланади. У 2021 йилдан 2025 йилгача  Миллий хотира институтининг раҳбари бўлган. 2017 йилдан 2021 йилгача Гданск шаҳарчасидаги Иккинчи жаҳон уруши музейи директори бўлган.

Навроскийнинг тадқиқотлари асосан антикоммунистик мухолифат, уюшган жиноятчилик, шу жумладан унинг оқибатлари ва спорт тарихига бағишланган.

2024 йилнинг февраль ойида у Россия Федерацияси томонидан 1944-1989 йилларда ўрнатилган қизил армия хотирасига бағишланган ёдгорликларни олиб ташлашда айбланиб қидирилаётган шахслардан бири сифатида рўйхатга олинган.

Ўтган йилнинг ноябрь ойида Карол Навроский президентлик сайловларида мустақил номзод сифатида иштирок этишини эълон қилган эди.

1 июнь куни бўлиб ўтган президентлик сайловларининг якуний босқичида эса, Навроский 50,89 фоиз овоз олди ва Президент этиб сайланди.

• Полша
• Президент
• Сиёсат
• saylov