“Ташаббусли бюджет” бўйича ноқонуний реклама тарқатган вайнерлар огоҳлантирилди

Рақобат қўмитаси фуқароларни “Ташаббусли бюджет” лойиҳаси доирасида овоз эвазига пул ваъда қилаётган норасмий рекламаларга ишонмасликка чақирди.

Қўмита маълум қилишича, ижтимоий тармоқларда норасмий Telegram ботлари орқали овоз бериш эвазига пул мукофоти таклиф этилаётган ҳолатлар аниқланган. Бундай ноқонуний рекламалар лойиҳа шаффофлигига путур етказиши ва фуқароларни чалғитиши мумкин.

Ўрганишлар давомида айрим вайнерлар учинчи шахслар манфаатини кўзлаб, норасмий ботлар орқали ҳақ эвазига овоз бериш мумкинлиги ҳақида реклама тарқатгани аниқланган. Шу муносабат билан Инстаграмъдаги блогерлар:

Ўткир Шодмонов (@уткир_шодмонов),

Абдурасул Иброхимов (@Mominlive.1),

Asilbek Амиров (@Аслбек_эмир),

Жасур Шодиев (@жасжаннеw)

огоҳлантирилди, уларга тушунтириш ишлари олиб борилди ва ноқонуний рекламалар олиб ташланди.

Рақобат қўмитаси фуқароларни фақат расмий манбалардан фойдаланишга чақирди. “Ташаббусли бюджет” доирасида овоз бериш фақат “Очиқ бюджет” ахборот портали, унинг мобил иловалари ҳамда Телеграмъдаги расмий бот орқали амалга оширилади.

Шунингдек, қўмита овоз бериш учун ҳеч қандай тўлов ундирилмаслиги ва овоз берган фуқароларга моддий рағбатлантириш берилмаслигини эслатди.