Владимир Путин 5 июнь куни Санкт-Петербургда ўтказилган СПИЭФ матбуот анжуманида: “Россия ва Хитой ўртасидаги муносабатлар ситуатсион характерга эга эмас – улар чуқур манфаатларга асосланади ва ҳозирда ХХР Россия Федерациясининг асосий иқтисодий ҳамкори бўлиб қолмоқда”, деб фикр билдирган.

“Ахир, 15 йил давомида Хитой бизнинг асосий савдо-иқтисодий ҳамкоримиз бўлиб келган. Биз муносабатларимизни бугунги куннинг қандайдир оппортунистик сиёсий воқеалари билан боғлиқ ҳолда эмас, балки ундан анча олдин ўзаро манфаатлар асосида қуришни бошладик ва ҳозирги даражага олиб чиқдик”, деб таъкидлади Россия раҳбари.

Путин, хусусан, Хитойнинг кўплаб соҳаларда эришган ноёб ютуқларини қайд этди, давлат раҳбари ўз ҳамкорининг космик соҳадаги муваффақиятларини таъкидлади, шунингдек, унинг иқтисодиёти ҳақида гапирди.

“Умуман олганда, бу жуда ишончли ва тобора юқори технологияга айланиб бормоқда. Менимча, бу Хитой иқтисодиётини қандайдир тарзда секинлаштирмоқчи бўлган ёки ҳаракат қилаётган ўша давлатлар ёки айрим Европа давлатларининг катта хатоси”, -деди Путин.

• Путин
• Хитой
• Европа