2026 йил 17 август куни соат 01:10 ларда Андижон шаҳри Машраб кўчасида хизмат олиб бораётган ЙПХ ходимлари томонидан Onix русумли автомашина ҳайдовчисига тўхташ ишораси берилган.

Бироқ ҳайдовчи ЙПХ ходимининг қонуний талабига бўйсунмасдан, ҳаракатини Ломоносов кўчаси томон давом эттирган. Ҳаракат давомида ҳайдовчи руль бошқарувини йўқотиши оқибатида йўл четида жойлашган дўконга бориб урилган ва йўл-транспорт ҳодисаси содир бўлган.

Ҳодиса жойига етиб келган ЙПХ ходимлари томонидан ҳайдовчининг ҳужжатлари текширилганда, 1999 йилда туғилган У.М. автомашинани тегишли ҳужжатларсиз бошқарганлиги ҳамда мазкур транспорт воситасига нисбатан муддати ўтган 10 миллион сўмдан ортиқ миқдорда қарздорлик мавжудлиги аниқланган.

Мазкур ҳолат юзасидан ҳайдовчига нисбатан Ўзбекистон Республикаси Маъмурий жавобгарлик тўғрисидаги кодексининг 135-моддаси 2-қисми ҳамда 194-моддаси 1-қисми билан маъмурий баённома расмийлаштирилиб, транспорт воситаси вақтинча сақлаш учун жарима майдонига жойлаштирилган.

Йўл-транспорт ҳодисаси оқибатида тан жароҳати олганлар йўқ. Автомашинага техник шикаст етган.

Айни вақтда Андижон шаҳар ИИБ ЙҲХБ ходимлари томонидан мазкур ҳолат юзасидан белгиланган тартибда суриштирув ишлари олиб борилмоқда.

• Андижон
• YTH