Қирғизистондаги сел оқими умумий фойдаланишдаги йўлларга катта зарар етказди. Ҳозирда зарарнинг умумий миқдори 261 миллион қирғиз сомини ташкил қилмоқда. Бу ҳақда “24.kg” нашри маълум қилди.

Унга кўра, вайрон бўлган кўприкларнинг бир қисми аллақачон таъмирланган, қолган объектларда фаол иш олиб борилмоқда. Ҳали инфратузилмани тиклаш имкони бўлмаган жойларда транспорт алоқаларини таъминлаш учун айланма йўллар қурилган.

Энг кўп жабрланганлар Боткен, Ўш ва Жалолобод вилоятлари бўлди. Боткен вилоятида сел оқими битта, Ўш вилоятида тўртта, Жалолобод вилоятида эса иккита кўприкни вайрон қилган.

Эслатиб ўтамиз, 23 июль куни Жалолобод вилоятининг Арстанбоп қишлоғида сел оқими кузатилган эди. Ушбу сел қишлоқнинг ички йўлларини ювиб, енгил иншоотларни бузиб ташлаган эди.

• Қирғизистон