Инсоният тарихидаги энг серфарзанд ота ким эканлигини биласизми? 226 грамм вазн билан дунёга келиб, яшаш учун курашган чақалоқ ҳақида эшитганмисиз?

Энг катта вазн билан дунёга келган бола

Гиннес рекордлари китоби берган расмий маълумотларга кўра, энг катта вазн билан дунёга келган чақалоқнинг оғирлиги туғруқнинг илк дақиқаларида 10,2 килограммни ташкил қилган. Болакай 1955 йилда Италиянинг Аверсе шаҳрида дунёга келган. 1879 йилда вазни 11 килограммга тенг келадиган чақалоқ дунёга келгани ҳам қайд этилган, аммо бола туғилибоқ ҳаётдан кўз юмган.

Энг кичик вазн билан дунёга келган чақалоқ

Германияда туғилган Эмилия Грабарчик 226 грамм вазн билан 2016 йилда, ҳомиладорликнинг 26-ҳафтасида дунёга келган. Туғилган вақтида унинг оёқлари ўлчами катта одамнинг қўл тирноқлари ўлчами билан тенг бўлган.

Энг серфарзанд она

Расмий маълумотларга кўра, тарихдаги энг серфарзанд она Валентина Василева исмли рус деҳқонининг аёли бўлган. У 1725 йилдан 1765 йилга қадар 69 та фарзандни дунёга келтирган. Аёл 27 марта она бўлган, 16 марта иккитали эгизак, 7 марта учтали эгизак ва 4 марта тўрттали эгизак кўрган. Аёл дунёга келтирган болаларнинг фақат иккитасигина чақалоқлик пайтларида вафот этган, қолганлари яшаб кетишган.

Бирданига дунёга келган эгизаклар сони бўйича рекорд

Маълумотларга кўра, тарихда икки марта 11 тали эгизак дунёга келган. Бундай ҳолат 1971 йилда АҚШ ва 1977 йилда Бангладешда қайд этилган. Ҳар икки ҳолатда ҳам чақалоқлар туғилибоқ нобуд бўлишган. Бугунги кунга қадар эгизакларнинг барчаси яшаб қолган жаҳон рекорди 2008 йилда АҚШда ўрнатилган. Нади Сулейман исмли аёл ЭКО усули ёрдамида 8 нафар эгизакнинг онасига айланган, эгизакларнинг барчаси яшаб қолишган.

Тарихдаги энг серфарзанд ота

1672-1727 йилларда ҳаёт кечирган Марокаш султони Мулай Исмоил бин Шариф инсоният тарихидаги энг серфарзанд ота деб тан олинган. Гиннесс рекордлари китобида келтирилган маълумотларга кўра, султоннинг 888 нафар фарзанди бўлган, тарихий манбаларда эса султон 1171 марта ота бўлгани қайд этилган. Султоннинг 4 та рафиқаси, 500 дан ортиқ жория ҳаёт кечирган улкан ҳарами бўлган.

• қизиқарли
• рекорд