Британиялик олимлар калория сарфлашнинг оригинал усулини ўйлаб топишди. Бу диеталар ёки спорт билан шуғулланишга алоқадор эмас, албатта. Бунинг учун шунчаки диванга ўтириб, дам олиш ва фильм томоша қилиш кифоя.

Daily Mail нашрининг ёзишича, фильм қанчалик қўрқинчли ва шиддатли бўлса, шунча яхши. Чунки уни томоша қилишда кўпроқ калория сарфанади.

Вестминстер университети мутахассислари қўрқинчли фильмлар томоша қилган 10 нафар иштирокчида калория сарфланишининг янгича усулини синаб кўришди. Кино кўриш давомида шифокорлар қанча энергия сарфланганини билиш учун томошабинларнинг юрак уриши ва нафас олаётган кислород миқдорини кузатдилар.

Маълум бўлишича, қўрқинчли фильмларни томоша қилишда иштирокчилар бўш экран олдида ўтирганидан кўра ўртача учдан бир марта кўпроқ калория сарфлаган. Қўрқинчли фильмни 90 дақиқа томоша қилишда ўртача 113 калория сарфланди - бу тахминан 30 дақиқалик юриш билан тенг.

Калория сарфланиши бўйича энг юқори натижа Жек Николсон иштирокидаги "The Shining" фильмини кўриш пайтида (184 Ккал) қайд этилган.

• Кино
• Спорт