Мажбурий ижро бюросининг хабар беришича, Тошкент вилоятида алимент тўлаш билан боғлиқ рекорд қайд этилди.

Келтирилишича, Тошкент туманида аёл 3, 4 ва 6 ёшли фарзандлари таъминоти учун 18 ёшгача бўлган алимент қарздорлигини тўлаш истагини билдирган. Боиси аёл даволаниш учун чет элга чиқиши керак бўлган. Алиментдан қарздорлиги ва шу сабабли МИБ тақиқи бўлгани учун аёл даволанишга кета олмаётган бўлган.

Уч нафар фарзанди учун 2039 йилгача алимент тўлови 1 млрд 748 млн 902 сўм этиб ҳисобланган ва ушбу сумма ундирувчига топширилган. Маълумот учун, МИБ тарихида йирик алимент тўловлари - Бухорода 810 млн. сўм (2020 йил, сентябрь), Тошкент шаҳрида 800 млн. сўм (2021 йил, июль) ва Андижон вилоятларида 547 млн.сўм (2024 йил, август) миқдорида амалга оширилган.

• Алимент