Кеча, 27 декабрь куни соат 17:10 ларда Бухоро вилоят ФВБга Ромитан тумани “Афросиёб” МФЙ Шифокорлар кўчасидан оқиб ўтувчи Ҳайработ каналида бир нафар фуқаро чўкаётганлиги тўғрисида хабар келиб тушган.

Айтилган манзилга туман ФВ бўлими қутқарувчилари етиб боргунга қадар ушбу ҳудудда хизмат олиб бораётган туман ФВБ кичик инспектори оддий аскар Б.Қобилов 16 ёшли фуқарони (аёл) сувдан қутқариб олган.

Бу ҳақда, Фавқулодда вазиятлар вазирлиги матбуот хизмати хабар берди.

Хабарда шунингдек, туман шошилинч тез-тиббий ёрдам бўлимига етказилган фуқаронинг айни пайтда аҳволи яхшилиги ва у шифокорлар назоратида эканлиги айтилган.

• Бухоро
• ФВВ
• Kanal