Россия Мудофаа вазирлиги баёнотига кўра, Россия Қуролли кучлари Олий бош қўмондони қарори билан 8 май соат 00:00 дан бошлаб Ғалабанинг 81 йиллиги муносабати билан махсус ҳарбий операция ҳудудида барча жанговар ҳаракатлар тўхтатилган.

Бироқ вазирлик маълумотига кўра, Украина Қуролли кучлари сулҳ эълон қилинганига қарамай, Россия позициялари ҳамда Белгород ва Курск вилоятларидаги фуқаролик объектларига дрон ва артиллерия ҳужумларини давом эттирган.

Қайд этилишича, Украина томони Россия позицияларига артиллерия, миномёт, танк ва реактив тизимлар орқали 153 марта зарба берган.

Шунингдек, 887 та дрон ҳужуми амалга оширилгани маълум қилинган. Жумладан:
394 та FPV-дрон;
107 та октокоптер туридаги дрон;
171 та самолёт туридаги дрон;
215 та дрон орқали ўқ-дори ташлаш ҳолати қайд этилган.

Россия Мудофаа вазирлиги маълумотига кўра, махсус ҳарбий операция ҳудудида жами 1365 та сулҳ бузилиши ҳолати аниқланган.

Бундан ташқари, 8 майдан бошлаб Россия ҳаво ҳужумидан мудофаа тизимлари махсус операция ҳудудидан ташқарида 396 та ҳаво ҳужуми воситасини, жумладан 390 та самолёт туридаги дрон ва 6 та “Нептун” узоқ масофали бошқариладиган ракетасини уриб туширгани билдирилган.

Россия томони Украина ҳаракатларини “террористик характердаги ҳаракатлар” деб баҳолаб, сулҳ бузилишларига “ойна акс” тарзида жавоб қайтарилганини маълум қилган.