Бугун Россиянинг Амур вилоятида Ангара авиакомпаниясига тегишли Ан-24 самолёти ҳалокатга учради. Даставвал, самолёт радарлардан йўқолиб қолган. Кейинроқ эса, расмий хабар орқали учоқ фожиали тарзда ҳалокатга учраганини маълум қилинди.

Хабаровск – Благовешенск – Тинда йўналишида парвоз қилаётган самолёт Тинда аэропортига қўна олмаган ва қайта ҳавога кўтарилган. Бироздан сўнг эса, сигнал йўқолиб қолган.

Самолётни қидириш учун бир нечта вертолёт жалб қилинган. Тинда шаҳридан 15 километр узоқликда самолёт қолдиқлари, жумладан, фюзеляжи ёнган ҳолда топилган.

Самолёт бортида 43 нафар йўловчи ва 6 нафар экипаж аъзоси бўлган. Ҳодиса оқибатида тирик қолганлар йўқлиги, барча 49 киши ҳалок бўлгани эълон қилинди.

• Авиаҳалокат
• Россия
• Samolyot