Руминия ва Грецияда жазирама ва шамол туфайли ўрмон ёнғинлари авж олди, деб ёзади “Euronews”.
Иссиқ ва қуруқ ҳаво Руминиянинг бир қанча округларида ўрмон ёнғинларига сабаб бўлди. Ўт ўчирувчилар тилсиз душманнинг турар-жой биноларига етиб боришига йўл қўймасликка ҳаракат қилмоқда. Улар ёнғиннинг ўрмон ҳудудлари бўйлаб тарқалишига йўл қўймоқчи эмас.

Нямц округи ҳукумати бир вақтнинг ўзида бир нечта ўрмон ёнғинлари содир бўлганидан сўнг уч кундан буён юқори шай ҳолатга келтирилди. Айрим ҳудудларда сув танқислиги кузатилмоқда.

Грецияда ўт ўчирувчилар ва фавқулодда хизматлар Афина яқинидаги ўрмонда XII аср монастирида шу пайшанба куни кенг кўламли машғулотларда иштирок этди. Мақсад, одатда май ойида содир бўладиган юқори ёнғин мавсумига тайёргарлик кўришдир.

Бироқ март ойи охирида мамлакатда ҳаво ҳарорати Цельсий бўйича 30 даражага етди ва ўрмон ёнғинлари режалаштирилганидан бир неча ҳафта олдин бошланди.

Кун сайин ортиб бораётган ҳаддан ташқари иссиқлик туфайли Грециядаги ўрмон ёнғинлари ҳам кучайиб бормоқда. 2018 йилда Аттикадаги ёнғин сўнгги 150 йилдаги энг ҳалокатли ёнғин сифатида қайд этилди ва юздан ортиқ одам ҳалок бўлди.

• Греция
• Руминия
• ёнғин