АҚШ президенти Доналд Трамп 12 октябрь куни Канада бош вазири Марк Карнининг лавозимини чалкаштириб, уни “президент” деб атади. Воқеа Шарм аш-Шайхдаги “тинчлик саммити”да содир бўлди.

Трамп декларациялар имзоланганидан сўнг, саммитда сўзга чиқди. Қўшма Штатлар раҳбари учрашувда ҳозир бўлган барча давлат раҳбарларига алоҳида миннатдорлик билдирди. Бироқ Карнини раҳбарлар орасидан топа олмай, Трамп бир лаҳза довдираб қолди.

Канада бош вазири ҳақида гапираётиб, Трамп хатога йўл қўйиб, уни “президент” деб атади. Шундан сўнг Карни АҚШ президентига яқинлашиб, ҳазил оҳангида: “Мени президентликка кўтарганингиз учун раҳмат”, – деди.

Бунга жавобан Трамп: “Яхшиямки, мен “губернатор” демадим”, – дея жавоб қайтарди.

• АҚШ
• Бош вазир
• Канада
• Трамп