Ўзбекистонда илк бор халқаро “Ҳалол” аккредитациясини олган сертификатлаш органи иш бошлади. Бу ҳақда Ўзбекистон илмий-синов ва сифат назорати маркази хабар берди.

Марказ ҳузуридаги Ҳалол сертификатлаш идораси Туркия Ҳалол аккредитация идораси томонидан халқаро талабларга мос деб топилди. Бу ҳолат ҳалол стандартларига амал қилувчи ташкилотлар учун муҳим босқич саналади.

Ҳалол сертификати Ўзбекистон маҳсулотларини, айниқса, Ислом мамлакатларига экспорт қилишда енгиллик яратади. Мутахассисларга кўра, ҳалол озиқ-овқат бозори ҳажми 2 триллион доллар, ҳалол туризм бозори эса 400 миллиард долларга тенг.

• Сертификат
• Туркия