Буюк Британиянинг нуфузли “Тhе Guardian” нашри жаҳон футболидаги энг истиқболли 60 нафар ёш футболчини эълон қилди. Бу рўйхатдан Ўзбекистон U-17 терма жамоаси аъзоси Садриддин Ҳасанов ҳам ўрин эгаллади.

U-17 Осиё кубоги финалида Ўзбекистон терма жамоаси Саудия Арабистонига қарши баҳс олиб борган. Биринчи бўлимда ҳисоб очилмаган бўлса-да, ўйиннинг иккинчи ярмида ўзбекистонликлар иккита четлатишдан сўнг 9 киши бўлиб қолган. Айни мураккаб вазиятда биринчи гол пенальтидан урилган бўлса, иккинчи голнинг юзага келишида Садриддин Ҳасановнинг индивидуал ҳаракатлари катта роль ўйнаганди. Мусобақа давомида Ҳасанов жами тўртта гол муаллифи бўлиб, турнирнинг энг яхши футболчиси деб топилган эди.

Чап қанотдан ичкарига кесиб киришни хуш кўрадиган, тезлиги ва кучли зарбаси билан ажралиб турадиган Ҳасановда гол сезиш қобилияти ҳам юқори. Мақолада у Осиёнинг “Йилнинг энг яхши ёш футболчиси” унвонига даъвогар сифатида тилга олинган.

• Буюк Британия
• Футбол