Жиззахда Россия сафида Украинага қарши ҳарбий ҳаракатларда қатнашган ўзбекистонлик фуқарога 3 йил-у 1 ой озодликдан маҳрум этиш жазоси тайинланди.

Суд ҳужжатларига кўра, у 2023 йилда Россияга ишга кетиб, моддий манфаат эвазига ҳарбий шартнома имзолаган ва бир йил давомида Донетск ҳамда Луганск вилоятларида урушда қатнашган. У Ўзбекистон фуқаролигидан чиқмасдан Россия фуқаролигини олган ва паспортини йиртиб ташлаган.

Кейинчалик яна Россия Мудофаа вазирлиги билан шартнома тузиб, Севастополдаги ҳарбий қисмга қўшилган. Март ойида даволаниш баҳонасида Москвадаги госпиталга ётиб, апрель ойида Ўзбекистонга қайтган.

Судда у бир нечта ҳарбий медаллар билан тақдирлангани ва қилган ишидан пушаймонлигини билдирган.

• Жиззах
• Қамоқхона
• Россия
• Украина