“Ҳудудгаз Андижон” газ таъминоти филиали, туман газ таъминоти бўлими ходимлари, “Ўзенергоинспексия” ва ҳуқуқ-тартибот органлари ҳамкорлигида Андижон вилоятининг Асака туманида ўтказилган рейд жараёнида табиий газдан ноқонуний фойдаланиш ҳолати фош этилди. Бу ҳақда Энергетика вазирлиги матбуот хизмати хабар берди.

Асака туманининг “Амир Темур” МФЙ ҳудудидаги “В. Й. Т.” МЧЖ биносида табиий газдан фойдаланиш ҳолати ўрганилганда, корхона эгаси А. Д. газ таъминоти ташкилоти билан шартнома тузмасдан, резина шланг орқали ўзбошимчалик билан тармоққа уланиб, “зангори ёқилғи”дан тижорат мақсадида фойдаланиб келаётгани аниқланган.

Ҳолат юзасидан далолатнома тузилиб, 1 миллиард 419 миллион сўмлик табиий газ ҳажмлари қайта ҳисоб-китоб қилинган. Шунингдек, жараёнга оид барча ҳужжатлар ҳуқуқни муҳофаза қилувчи органларга юборилган.

• Андижон
• Энергетика_вазирлиги
• Газ
• MCHJ
• Qoidabuzarlik