Бугун Самарқанд шаҳрида глобал миқёсда долзарб аҳамиятга эга масалага бағишланган халқаро форум ўз ишини бошлади. “Жамоат саломатлиги ва хавфсизлигини таъминлаш мақсадида трансмиллий наркотахдидларга қарши курашиш” мавзусидаги мазкур тадбир дунё ҳамжамиятини бир майдонга жамлади.

Форумда 50 дан ортиқ давлат вакиллари, 500 дан зиёд халқаро эксперт ва мутахассислар, шунингдек, БМТ, Интерпол, Европа Иттифоқи, МДҲ ва ШҲТ каби нуфузли ташкилотлар делегациялари иштирок этмоқда.

Форум қатнашчиларига Ўзбекистон Республикаси Президенти Шавкат Мирзиёевнинг мурожаатини етказиш мен учун юксак шараф бўлди.

Тадбир давомида ушбу йўналишда халқаро ҳамкорликни ривожлантиришга муносиб ҳисса қўшган қатор ташкилотлар раҳбарлари махсус таъсис этилган “Наркотикларга қарши курашиш фидойиси” кўкрак нишони билан тақдирланди.