Жамият барқарорлиги ва келажаги ёшлар тарбияси билан бевосита боғлиқ. Халқимизда “Бир бола йўлдан чиқса – жамият издан чиқади” деган ҳикмат бежиз айтилмаган. Чунки бир ёшнинг гиёҳвандлик каби зарарли иллатлар таъсирига тушиб қолиши фақат унинг шахсий ҳаёти ёки оиласи эмас, балки бутун жамият учун жиддий муаммо ҳисобланади.

Шу сабабли Ўзбекистонда бу йўналишда комплекс ёндашув асосида иш олиб борилмоқда. Яъни нафақат оқибатлар билан курашиш, балки энг аввало ёшларни бундай хавфли иллатлардан асраш, уларнинг онгида соғлом ҳаёт тарзини шакллантиришга алоҳида эътибор қаратилмоқда.

Бугунги кунда бу жараёнда нуронийлар, тажрибали фахрийлар, маҳалла фаоллари ҳамда кенг жамоатчилик вакиллари фаол иштирок этмоқда. Уларнинг ёшлар тарбиясидаги ўрни ва таъсири тобора ортиб, ижобий натижалар бермоқда.

Президент Шавкат Мирзиёевнинг “Жамоат саломатлиги ва хавфсизлигини таъминлаш мақсадида трансмиллий наркотаҳдидларга қарши курашиш” мавзусидаги халқаро форум иштирокчиларига мурожаатидан.