Хабар бериб бораётганимиздек, 2026 йил 20–21 апрель кунлари Самарқанд шаҳрида халқаро миқёсдаги муҳим тадбир - “Жамоат саломатлиги ва хавфсизлигини таъминлаш мақсадида трансмиллий наркотаҳдидларга қарши курашиш” мавзусида глобал форум бўлиб ўтади.

Форум доирасида наркотиклар ноқонуний муомаласига қарши курашиш йўналишида илғор ёндашувлар ва инновацион ечимларга бағишланган кўргазма ҳам ўтказилади.

Наркотиклар ва ўқотар қуролларни назорат қилиш агентлиги ҳамда БМТ Наркотиклар ва жиноятчилик бўйича бошқармаси билан ҳамкорликда ташкил этилаётган мазкур нуфузли анжуманда халқаро божхона жамоатчилигининг ҳам қизғин иштироки кутилмоқда.


Жумладан ҳозирга қадар форумда иштирок этиш учун Жаҳон божхона ташкилотининг Европа бўйича минтақавий директори Антонио Ло Парко ва ташкилот халқаро эксперти Хажи Хажиев, шунингдек, Озарбайжон, Тожикистон, Туркманистон божхона хизматлари раҳбарияти ҳамда Покистон, Россия ва Қирғизистон божхона идоралари вакиллари юртимизга етиб келишди.

• Форум
• Самарқанд